Kurategijä nuhtlõminõ

Setonius/ Kangilaski Otti ainil

Ütevoori võeti kinni üts kurätegijä ni tuudi kohtokulli ette. Kohtoherräq rägistivä peris tükü aigo ummi päid. Miäs no pääle naata? Peräh saivaq nõuhhe, et ku tuu kurätegijä õks nii pallo halva om tennü, sõs om timäle paras palk tedä põrgumassina vai pommiga vasta taivast laskõ. Nimäq ütlivä viil, et ku timä tuu mürähüse vällä piäsi kannahtama, om timä prii miis.

  Pante sõs kurätegijä tuhtkambrehe luku taadõ ni anti timugalõ käsk kätte.

  A vot, trehväs olõma iispääväne päiv. Timugal lahksõ pää hirmsahe otsah. Timä kuts viil uma selli kah kampa ni lätsivä arq kõrdsi poolõ ummi päid praavitama. Jätivägi niimuudu kõik uma majapidämise ni tegemiseq õpipoissa huuldõ.

   No muidoki, õpipoisiq olliva uma jago koerut täüs`. Nimäq säädsevä tuulõ kurätegijäle ala hoops üte sekspommi.

   Tõõsõl pääväl lätsivä kohtoherräq kaema, kui om näide käst täüdet. A tuu kurätegijä oll särgiväel ni püksäldä. Vihtsõ tuhtkambreh tandsu lüvvä.

   Jääs kohtoherril midäg üle, tull timä vallalõ laskõ...

   Tuu võtt sõs sekspommi  naartõh käevangu ni astsõ minemä nigu õigõ miis kunagi. 

Tagasi Setoniusõ mano