18.11.2022 valisi Seto Kongressi Vanõmbitõ Kogo Verskah uma kuuholõkil vahtsõst päävanõmbast Järvelilli Reinu
XIII Seto Kongressil 09.10.2021 valitu’ 13-liikmõlitsõ vanõmbitõ kogo edimäne päävanõmb oll Saarõ Vello. Tuu aastagaga’ kinntäti seto keele arenguplaan, tõugati käümä Setomaa Ettevõtlusmess, tetti kuuhtüüd Eesti valitsusasutuisi ni ministritõga’ ni edendeti läbikäümist setodõga välähpuul Setomaad.
Seto Kongressi Vanõmbitõkogo vanõmba’ omma’ Hõrna Aare, Leima Aarne, Saarõ Vello, Ristimäe Raivo, Grünbergi Maria, Kalkuni Andreas, Ahvena Marika, Matvei Arvi, Järvelilli Rein, Vabarna Jane, Kudre Raul, Nassari Elvi ni Sarja Urmas. Päävanõmba ametiaigu om üts aastak ni sis valitas jal vahtsõnõ.
Vahtsõnõ päävanõmb Järvelilli Rein tüütäs aastakast 2022 Setomaa Vallavalitsusõ kommunikatsioonispetsialistinä. Järvelill om olnu’ Setomaa ülembsootska (2019, 2020), Riigikogo liigõ, rahandusministri nõunik, Verska vallavanõmb ni 2012–2017 aastakil Meremäe vallavanõmb, Setomaa valla edimäne vallavolikogu esimiis. Seto Instituudi tellmisel ni Järvelilli iihvidämisõl panti minevä aastaka lõpuh kokko seto keele arõnguplaan. Järvelill om seto keele esindäjä Eesti põliskiili kogoh ni Ida-Euroopa põlisrahvitõ esindäjä rahvidõvahelitsõ põliskiili aastakümne juhtgrupih.