Eesti Maaülikuul võtt 2022. aastagal välähpuul konkurssi opma kol’ Setomaalt peri nuurt (https://www.emu.ee/et/sisseastujale/bakalaureuseope/vastuvott-vastuvotutingimusi-arvestamata/, kae’ punkt 2).
Välähpuul konkurssi kotusõ pääle konkuriirmisõ jaos om vaia Setomaa Liidu ja Seto Kongressi Vanõbidõ Kogo soovtust. Soovtusõ jaos om vaia saata’ CV, avaldus sooviga’ ja motivatsioonikiri 4. juulini’ 2022 aadressi pääle info@setomaa.ee. Motivatsioonikirä pikkus võisi’ olla’ puul lehekülge ja sääl võisi’ jaka’ ummi mõttit, kuvvamuudu s´oo eriala võisi’ avita’ ello Setomaal.
Kindlahe om vaia õigõ ao pääle esitä’ sisseastmisõs vaia minevä’ dokumendi’ Eesti Maaülikuuli, kae’ infot Eesti Maaülikooli lehe päält (http://www.emu.ee/sisseastujale/).
6. juulil omma’ SL ja SKVK puult kokko pant komisjoniga’ kõnõlõmisõ päävä’. Komisjon hindas kandidaadi innitsit tegemisi kodokotusõh, huvtõtust, tiidmisi umast kodokotusõst, kultuurist ja kuis tä om valms Setomaa tegemisih ja seto organisatsioonõ tüüh üteh lüümä.
Välähpuul konkurssi vastavõtt om Setomaa Liidu, Seto Kongressi Vanõbidõ Kogo ja Eesti Maaülikooli vaihõl köüdet lepinguga’. Eesti Maaülikuul om võimaldanu’ Setomaa noorilõ kol’ konkursivälist opmiskotust aastagast 2005.
Mano saat küüsüdä’ 510 6664, info@setomaa.ee (Tullusa Kaja).