Seto Kongress om Setomaa ni seto rahva esindüskogo. Seto Kongress arotas probleeme’ ni võtt vasta otsusit mia’ pututasõ’ Setomaa kultuuri, majandusõ ni poliitilist arõngut. Seto Kongressi peetäs õga kolmõ aastaka takast.
Seto Kongress vali umast juhtorganist Vanõmbitõ Kogo, kohe valitas 13 saadikut. Vanõmbitõ Kogo vali hinde seest päävanõmba, abivanõmba ja kirotaja. Ku Vanõmbitõ Kogo liigõ saa-i ummi kohustuisi inäb täütä, tulõ asõmõlõ Seto Kongressil valit asõndusliigõ.
Seto Kongressi saadkidõ valimisõ kõrd
- Seto Kongressi saadk – vähäbält 16-aastanõ seto ineminõ vai aoluulisõ Setomaa elänik, kiä taht olla’ algataja ni osalõja Setomaa jaost tähtsidõ küüsümüisi otsustamisõ man.
- Saadku valija – vähäbält 16-aastanõ seto ineminõ vai aoluulisõ Setomaa elänik. Õga valija saa anda’ uma helü õnnõ ütele saadkulõ.
- Seto Kongressi saadk saa olla’ organisatsiooni, ettevõttõ vai külä esindäjä vai ütsikkandidaat vai viimätsel kongressil valitu Seto Kongressi Vanõmbidõ Kogo liikmõ’.
- Organisatsiooni/külä esindäjä. Uma esindäjä’ saa esitä’ Seto Kongressi saadkust õga Setomaa külä, Setomaa organisatsioon, ettevõtõ vai asutus, Setomaa kool, kohalik umavalitsus, ühendüs, seldsi, leelokoor ja välähpuul Setomaad setodõ seldsi’, leelokoori ja organisatsiooni’.
- Ütsikkandidaat. Kongressi saadkus saa esitä’ isiku, kiä esindä-äi üttegi organisatsiooni, a kinkõl om vähäbält viis valijat.
- Vanõmbidõ Kogo liikmõ’. Kõik viimätsel Seto Kongressil valitu Vanõmbidõ Kogo liikmõ’ omma’ Seto Kongressi saadigu.
- Saadku volikiri tulõ täütä’ Seto Kongressi Vanõbidõ Kogo puult etteant vormih (Lisa 1) ja tuul piat olõma organisatsiooni, külä, ettevõttõ esindüsõigusõga’ isiku alakirotus vai viie saadku valija alakirotus.
- Valitu saadkidõst tulõ anda tiidä Seto Kongressi Vanõmbidõ Kogolõ 2. oktoobrist 2024 aadressil kongress@seto.ee.
- Volikiri tulõ saata’ kõgõ hildampa digiallkirjuga 8. oktoobrist 2024 aadressil kongress@seto.ee vai tuvva´ paprõ pääl allkirjuga 9. oktoobril 2024 Seto Kongressi alostusõst Verska kultuurimajja.
Seto Kongressi kodokõrd
ISTUNGI’
1. Kongressi istungi’ omma’ avaliku’.
2. Kongressi tüükiil om seto kiil.
3. Kongress vali kirjä pandu saadikidõ hulgast istungidõ päämehe’ ja kirotaja’.
4. Istungi päämehe kohus om huult kanda’, õt kodokõrrast ja pääväkõrrast kinni peetäs.
PROTOKOLL
5. Kongressi istungi’ protokollitas.
6. Kirotaja ja istungi päämiis kand huult, õt protokoll om õigõ.
TALITUSÕ’
7. Kongressi tüü jaost pandas kongressi tüü alostusõl kokko kolm talitust:
1) Valimistalitus kõrraldas valimiisi ja helülugõmist,
2) Kirätalitus sääd kokko kongressi papõrdõ amõtliku’ teksti’ ja näil om õigus papõrdõ ja muudatuisi kiilt kõrda panda’.
3) Sekretäritalitus pand kirjä ettekandõ’, sõnavõtu’, korjas kirätaltusõlõ eelnõu’, parandusõ’, tävvendusõ’ ja kõorraldas tehnilist taltust.
HELÜ ANDMINE
8. Helüõigus om õnnõ kongressilõ kirjä pant saadikil.
9. Helü andas muido avalikult, a õga kongressi saadik või pallõlda’, õt mõnõlõ küsümüsele helü andminõ tetäsi’ salahuisi. Ku tuuga omma’ nõuh suurõmb jago saadikit, sis nii ka’ tetäs.
10. Kongressi papõrdõlõ helü andmisõl andas helü vooriga’ õnnõ ütele paprõlõ, parandusõlõ vai tävvendüsele.
Paranduisi ja tävvendüisi hüästkitmisõst om vaija, õt puult olõsi inäbä saatikit ku vasta. Papõrdõ hüästkitmisõst om vaija, õt puult olõsi’ inäbä ku’ poolõ saatiku’, kiä kohal omma’.
VANÕBIDÕ KOGO VALIMINÕ
11. Vanõbidõ Kogo valimisõs pandas kirjä rohkõba ku 13 kandidaati. Mõlõba’ – nii kandidaat ku kirjäpandja piat olõma kongressi saadiku’. Kirjäpandjal piasi olõma kandidaadi nõuholõk.
12. Võnõbidõ Kogo valitas nii, õt helü’ andas salahuisi. Õgal saatikul om nelli hellü. Helü andmisõ paprõle piat kirotama nelä erinevä kandidaadi nime. Vanõbidõ Kokko saava’ nuu’ 13 kandidaati, kiä’ saava’ kõgõ inäbä helli. Osalitsõlt ja/vai vigatsõlt täüdetu helü andmisõ paprõ tunnistatas kehtetüst.
13. Ku kolmõtõistkümne piiri pääle jääs mitu kandidaati sama helü arvoga’, sis valitas nuist vanõmba’.
14. Vähäp helli saanu’ kandidaadi’ jääse’ Vanõbidõ Kogo varomiihhis, kiä’ astusõ’ helüarvo piteh tüühhü, ku’ mõni Vanõbidõ Kogo põhimiis vällä satas.
KÕRRAPIDÄMINÕ
15. Kõrra iist sais istungi päämiis.
16. Istungi päämiis ütles, ku pallo’ aigu kõnõlõjalõ andas ja and tiidä’, ku aigu om jäänu viil üts minut.
17. Istungi päämehel om õigus kõnõlõjat kinni pitä’, ku tuu kõrda rikus vai ütles halvastõ. Päämiis või ka sõnavõtu lõpõta’, ku kõnõldas väiga kavva vai hoopis tõisist asjost.
18. Istungi päämehega olõ-õi lubat poonita.
19. Ku kongressi külälisõ’ rikusõ kõrda vai takistasõ’ kongressi tüüd, sis või istungi päämiis nimä’ kongressilt vällä saata’.
XIV Seto Kongress – 9.oktoobri 2024
XIII Seto Kongress – 9. oktoobri 2021